Fakligheit
Royndir úr heilsuverkinum og breið útbúgving innan akupunktur og kropsviðgerð eru grundarlagið undir arbeiðinum.
Um Statera
Tryggleiki, nærvera og tíð
Eg eiti Gunnvá Wardum og eri sjúkrarøktarfrøðingur, akupunktørur og RAB-góðkendur viðgerði.
Í Statera møti eg tær sum eitt heilt menniskja. Viðgerðin verður lagað til tín tørv, og góð tíð verður sett av til prát, fakliga meting og sjálva viðgerðina.
Søgan um Statera
Frá sjúkrarøkt til Statera
Eg havi arbeitt við menniskjum og heilsu síðan 1999. Gjøgnum árini havi eg millum annað arbeitt innan psykiatri, á hjartadeild, intensivari deild og á skaðastovu. Míni seinastu nógvu ár í heilsuverkinum vóru hjá kommunulækna.
Áhugin fyri akupunkturi og øðrum viðgerðarhættum vaks so líðandi. Eg sá týdningin av, at vit ikki bara síggja einstakar trupulleikar, men eisini geva okkum tíð til at skilja menniskjað og kompleksu heildina aftanfyri hvønn einstakan okkara.
Í 2016 byrjaði Statera sum ein partur av mínum arbeiðslívi. Síðan er viðgerðarstovan vaksin og vorðin mítt fulltíðarstarv – við akupunkturi, cupping, mýking og vælveruviðgerðum, sum verða lagaðar til tann einstaka.
Navnið Statera sipar til javnvág og lýsir væl tað, eg ynski at skapa: eitt trygt og róligt rúm, har fakligheit, nærvera og tíð ganga hond í hond.
1999
Byrjaði at arbeiða sum sjúkrarøktarfrøðingur
2016
Statera varð stovnað
Í dag
Akupunkturur, cupping, mýking og vælvera
Mín tilgongd
Tú ert í tryggum hondum
Heildin
Vit hyggja at tí, tú merkir, og samanhanginum millum kropp, sinn og gerandisdag.
Nærvera
Tú fært eina róligari løtu við rúmd til spurningar og eina viðgerð, sum verður lagað til tín.
Finn røttu leiðina
Hvør viðgerð hóskar til tín?
Hygg at samlaða yvirlitinum ella skriva til mín, um tú ivast.